FIFA tərəfindən 3 transfer pəncərəsi dönəmində transfer qadağı qoyulan “Neftçi”nin cəzalanmasının səbəbkarı müəyyənləşib. Bakılılar Alessio Kurçiyə görə ödənilməli olan məbləği yubatdığı üçün bu aqibətlə üzləşib.

Prosport.Az futbolinfo.az-a istinadən xəbər verir ki, ötən ilin yayında Belçika II Liqa klubu “Frank Borains”dən alınan oyunçu üçün tələb olunan vəsait vaxtında ödənilməyib. Bu isə sözügedən klubun şikayət etməsinə və bakılıların cəzalanmasına səbəb olub.

Lüksemburqlu oyunçu “Neftçi” ilə 3 illik müqavilə imzalayıb. Onun transfer haqqı təxminən 200 min avro olub.