I Liqanın bombardiri olan MOİK-in futbolçusu Seyxan Fərəcovun yeni klubu müəyyənləşib.

Prosport.Az-ın xəbərinə görə, 24 yaşlı hücumçu "İmişli" ilə 2 illik müqavilə bağlayıb.

Bu barədə futbolçunun özü saytımıza müsahibəsində deyib (az sonra müsahibə ilə tanış ola bilərsiniz – red.).

"İmişli" ötən mövsüm I Liqada oynatdığı futbolçusunu hələ qışda heyətinə qatmaq istəyirdi. Lakin MOİK gələn təklifləri geri çevirmişdi.

Qeyd edək ki, Seyxan Fərəcov sona 2 tur qalmış 17 qol vurub və ən yaxın rəqibi olan "Mingəçevir"in zambiyalı hücumçusu Kenet Kalunqanı 3 top fərqlə qabaqlayır.