Əvəzedicilər Liqasında XXV turun oyunlarına hakim təyinatları açıqlanıb.

Prosport.Az xəbər verir ki, bu barədə PFL-in rəsmi saytı məlumat yayıb.

Azərbaycan Kubokunun yarımfinal mərhələsinin "Turan Tovuz" - "Zirə" matçındakı səhv qərarları ilə müzakirə obyekti olan Əliyar Ağayev də bu liqaya təyinat alıb. O, “Zirə-2” – “Sumqayıt-2” matçının referisi olacaq. Görüş mayın 8-də keçiriləcək.

Qeyd edək ki, AFFA Hakimlər Komitəsinin sədri Rəhim Həsənov Ağayevin "Turan Tovuz" - "Zirə" görüşündə (3 aprel) ciddi səhvlərə yol verdiyini təsdiqləmişdi. FİFA referisi 2 dəfə "Turan Tovuz"un lehinə penalti təyin etməyib. O, həmin vaxtdan ölkə kubokunun və Azərbaycan Premyer Liqasının oyunlarına təyinat almayıb.