"Qarabağ"dan ayrılacağı ehtimal olunan Elvin Cəfərquliyevə maraq böyükdür.

Prosport.Az sportinfo.az-a istinadən xəbər verir ki, siyahıya daha bir klubun adı əlavə olunub – "Ferensvaroş".

İndiyə qədər "Qarabağ"la bir neçə futbolçunun alış-verişini edən Macarıstan nəhəngi yaranmış fürsətdən maksimum yararlanmağa çalışır.

Hətta "köhlən atlar"ın tələb edəcəyi məbləğlə bağlı razılığa qol çəkməyə də hazırdır. Barter şərti (futbolçu+pul) də mümkün görünə bilər.

Cəfərquliyevin Avropaya yollanmaq həvəsini nəzərə alsaq, Ağdam təmsilçisinin onu başqa kluba satacağını ehtimal edə bilərik.

Qurban Qurbanov hələlik məsələ ilə bağlı son qərarını verməyib. Baş məşqçi yekun sözünü deyəndən sonra kluba edilən təkliflər nəzərdən keçiriləcək.

"Ferensvaroş"un yaxın günlərdə "Qarabağ"a rəsmi təklif ünvanlayacağı gözlənilir. Bəlkə də müraciət artıq daxil olub.