“Sabah”ın UEFA Çempionlar Liqasının növbəti mövsümündə II təsnifat mərhələsindəki daha 3 potensial rəqibi müəyyənləşib.

Prosport.Az xəbər verir ki, Azərbaycan çempionu bunun üçün ilk raundu keçməlidir.

I təsnifat mərhələsində hansı səbətdə qərarlaşacağı qeyri-müəyyən olan Valdas Dambrauskasın yetirmələri turnirə uğurlu başlanğıc etsə, II raundda səpələnməmişlərdə qərarlaşacaq. Belədə təmsilçimiz püşkatma zamanı güclülərdən biri ilə qarşılaşmalı olacaq.

Həmin güclülər arasında “Srvena Zvezda” (Serbiya), “Dinamo” (Zaqreb, Xorvatiya) və “Omoniya”nın (Kipr) olacağı artıq dəqiqdir. Yarışa II raunddan qoşulacaq digər komandalardan “Tyun” (İsveçrə) və “Myolbü” (İsveç) isə 2-ci səpələnməmişlərdə qərar tutacaq.