"İmişli" kapitanını itirə bilər.

Prosport.Az sportinfo.az-a istinadən xəbər verir ki, Azər Salahlının xidmətində Premyer Liqanın 3 klubu maraqlıdır.

Daha öncə "Şəfa"nın onu heyətinə qatmaq istədiyi bildirilmişdi. Müdafiəçi üçün bakılılarla mübarizəyə daha 2 Premyer Liqa klubu qoşulub. Bunlar "Kəpəz" və "Sumqayıt"dır.

Millimizin sabiq üzvü isə qərar verməyə tələsmir. O, mövsümün sonunu gözləyir və ilk olaraq hazırkı klubu ilə masaya oturacaq.

32 yaşlı oyunçu bu sezon bölgə klubunda keçirdiyi 32 matçda 2 qolla yadda qalıb.

"Keşlə"nin (indiki "Şamaxı") yetirməsi daha əvvəl "Qarabağ", "Sumqayıt" və "Neftçi"nin də formasını geyinib.

Azərbaycan millisində keçirdiyi 24 görüşdə 1 qol vurub.