Almaniyanın Frankfurt şəhərində keçiriləcək karate üzrə 61-ci Avropa çempionatında Azərbaycanı 24 idmançı təmsil edəcək.

Prosport.Az-ın xəbərinə görə, bunlardan 17-si fərdi yarışlarda medal qazanmağa çalışacaq.

Bunların arasında olimpiya mükafatçısı, üçqat dünya və ikiqat Avropa (1-i fərdi, 1-i komanda) çempionu İrina Zaretska da var. Martda İtaliyanın paytaxtı Romada keçirilmiş Premyer Liqa yarışında 3-cü olmuş 30 yaşlı ukraynalı legionerimiz karyerasının sonlarına yaxın növbəti dəfə Avropa çempionu olmağa çalışacaq. 

Kumite (qadınlar): Fatimə Məmmədova (50 kq), Mədinə Sadıqova (55 kq), Gülay Orucova (61 kq), İrina Zaretska (68 kq), Aysel Qasımova (+68 kq);

Kumite (qadın millisi): Aysu Əliyeva, Fatimə Məmmədova, Gülay Orucova, Mədinə Sadıqova, İrina Zaretska;

Kumite (kişilər): Aslan Dostuyev (60 kq), Fərid Hacızadə (67 kq), Rəşid Süleymanov (75 kq), Turqut Həsənov (84 kq), Asiman Qurbanlı (+84 kq);

Kumite (kişi millisi): Məhəmməd Allahverdiyev, Rahib Əzim, Asiman Qurbanlı, Turqut Həsənov, Vahid Həsənov, Nicat Kərimli, Rəşid Süleymanov;

Kata: Ramilə Heydərova, Roman Heydərov;

Kata (kişi millisi): Rövşən Əliyev, Roman Heydərov, Salman Salmanov.

Bundan başqa, 5 idmançımız parakarate yarışında çıxış edəcək. Gözdən əlil və ya qismən məhdudiyyətli (K10) idmançılardan Aysel Əhmədli, Fərrux Qaybalıyev, Nihat Məmmədzadə və Emiliya Mitlinova, eləcə də əqli məhdudiyyətli (K21) türk əsilli karateçimiz Ərcan Aslan tatami üzərinə çıxacaq.  

Qeyd edək ki, Avropa çempionatında 49 ölkədən 570 karateçi mübarizə aparacaq. Bunların arasında qaçqın komandasından iranlı Rüstəmi Fərzad, eləcə də Rusiya (WKF-1) və Belarusun (WKF-2) idmançıları da var.

Xatırladaq ki, Azərbaycan ötənilki Avropa çempionatı Ermənistanın paytaxtı İrəvanda keçirildiyi üçün həmin qitə yarışını buraxmışdı.

Səbuhi Musa