Azərbaycan Premyer Liqasının XXX turunun “Qarabağ” – “Turan Tovuz” oyunundan (2:1) sonra qonaq komandanın baş məşqçisi Qurban Berdiyev jurnalistlərin suallarını cavablandırıb.

Prosport.Az xəbər verir ki, mütəxəssis əvvəlcə görüşlə bağlı fikirlərini bölüşüb.

– Ümumilikdə, ağır oyun keçdi. “Qarabağ” daha üstün tərəf idi. 2-ci hissənin əvvəlində buraxılan 2 qol oyunumuza təsir etdi. Sonda vəziyyəti düzəltmək üçün cəhdlərimiz oldu, amma alınmadı.

– Denis Marandiçinin durumu nə yerdədir? 
– Əməliyyat olunub. Ümid edirik ki, növbəti mövsümə qayıdacaq.

– Çoxsaylı qol epizodlarını əldən buraxmağınızı necə şərh edərdiniz?
– Məncə, həyəcanla bağlı idi. Şanslardan yararlana bilsəydik, başqa cür olardı.

– Buraxdığınız qollarda rəqibin ustalığı çox idi, ya qapıçınızın səhvi?
– 2-ci qol rikoşet, ilk qol isə rəqibin ustalığı ilə bağlı idi.

– 2-cilik yolunda həlledici matç idi. Futbolçularınızın motivasiyasının kifayət qədər olduğunu düşünürsünüz?
– Bayaq qeyd etdim, həyəcan var idi və bu, məhz təzyiqlə bağlıydı.