Azərbaycan Premyer Liqasının XXI turundan təxirə salınmış oyunda "Neftçi"yə uduzan (1:2) "Qarabağ" heyətdə ciddi problemlərlə üzləşib.

Prosport.Az xəbər verir ki., Ağdam təmsilçisi bir neçə aparıcı futbolçusunu itirib.

Qarşılaşmanın əlavə edilmiş dəqiqələrində sarı vərəqə görən Kadi və Kamilo Duran cəzalı duruma düşüblər. Hər ikisi cari mövsümdə 4-cü dəfə bu halla üzləşdikləri üçün XXX turda "Turan Tovuz"la oyunu buraxacaqlar.

Bundan əlavə, "Neftçi" ilə oyunda zədələnən Xoni Montiel mövsümü başa vurub. Daha əvvəl Abbas Hüseynovla Elvin Cəfərquliyev daxili intizam qaydalarını pozduqları üçün əvəzedici heyətə göndəriliblər. Komandanın digər aparıcı müdafiəçisi Bəhlul Mustafazadə hələ də zədəsini tam sağaltmayıb.

Qeyd edək ki, "Qarabağ" - "Turan Tovuz" oyunu mayın 4-də keçiriləcək. Ağdam klubu 59 xalla 2-ci, Tovuz təmsilçisi 56 xalla 3-cü pillədə qərarlaşıb.