Əvəzedicilər Liqasının XXIV turunun "Zirə-2" ilə oyununda (5:1) qol vuran Abbas Hüseynov və Elvin Cəfərquliyevlə bağlı maraqlı məqam üzə çıxıb.

Prosport.Az sportinfo.az-a istinadən xəbər verir ki, həmin matçda iştirak onların öz təşəbbüsü ilə olmayıb. Bu haqda göstəriş Qurban Qurbanovdan gəlib.

Təcrübəli mütəxəssis "dubl"u çalışdıran Maksim Medvevə tapşırıq verib ki, cəzalandırdığı cütlük orada yalnız məşq etməklə kifayətlənməsin. Elvin Cəfərquliyevlə Abbas Hüseynov onlara çatdırılan mesajı elə də isti qarşılamayıb.

Tapşırığın əksinə çıxacaqları təqdirdə, böyük miqdarda cərimələnəcəkləri barədə məlumat aldıqdan sonra forma geyinməyə razılaşıblar.