Azərbaycan Premyer Liqasının XXI turundan təxirə salınmış “Neftçi” ilə səfər oyununda (1:2) zədə alan Xoni Monitel dərhal xəstəxanaya aparılıb.

Prosport.Az xəbər verir ki, ilk hissənin sonlarında zədələnən futbolçu 42-ci dəqiqədə əvəzlənib.

Onun ayaq barmağında sınıq olduğu ehtimal edilir. Lakin bu, yekun diaqnoz deyil. Əvəzləndikdən dərhal sonra təcili tibbi yardım avtomobili ilə xəstəxanaya aparılan futbolçunun durumuna daha sonra aydınlıq gələcək.