"Qarabağ” Portuqaliyanın Yüksək Liqa təmsilçisi “Kasa Pia” klubunda çıxış edən mərkəz müdafiəçisi Joau Qulartıa maraqlanır. 

Prosport.Az A bola.pt saytına istinadən xəbər verir ki, 26 yaşlı futbolçu Ağdam təmsilçisinin diqqət mərkəzinə düşüb. Hələlik “Kasa Pia” rəhbərliyinə rəsmi təklif göndərilməyib.

İddiaya görə, klub portuqaliyalı oyunçunu təxminən 1,5 milyon avro qarşılığında buraxmağa hazırdır. Lakin futbolçunun hazırda komandası ilə mövsümün həlledici hissəsinə fokuslandığı vurğulanıb.

Qeyd edək ki, Joau Qulart bu mövsüm “Kasa Pia” müdafiəsinin əsas simalarından biri hesab olunur.