"Sumqayıt" Misli Premyer Liqasının 2025/2026 mövsümündə 5-ci dəfə penaltidən yararlana bilməyib.

Prosport.Az xəbər verir ki, "gənclik şəhəri" təmsilçisi mövsümdəki 8 belə imkanın yalnız 3-nü qola çevirib.

XXIX turun "İmişli" ilə səfər görüşündə (2:0) Nikola Ninkoviç 11 metrlik cərimə zərbəsindən dəqiq ola bilməyib.

1 komandanın mövsümdə 5 penaltidən yararlanmaması turnirdə XXI əsrin antirekordudur. 2001-2026-cı illərdə 3 dəfə 1 komanda mövsüm ərzində 4 imkanı qaçırıb. "Şəfa" 2001/2002 mövsümündə 5, "Qarabağ" 2020/2021, "Sabah" isə 2022/2023 mövsümündə eyni sayda – 9 imkanın 4-dən istifadə edə bilməyib.

"İmişli" ilə görüşədək bu antirekordun şəriki olan "Sumqayıt" artıq həmin üç komandanı da "geridə qoyub".

Qeyd edək ki, ümumilikdə cari mövsümdə təyin olunan 60 penaltidən 48-i qolla nəticələnib. Bu zərbələrdən istifadə faizi 80-ə bərabərdir.