“İnanılmaz bir dövr yaşayır, möhtəşəm mövsüm keçiririk. Bu, böyük zəhmətin bəhrəsidir”.

Prosport.Az xəbər verir ki, bunu “Sabah”ın braziliyalı müdafiəçisi İqor Noqeyra ölkəsinin mətbuatına açıqlamasında deyib.

31 yaşlı futbolçu Azərbaycan Premyer Liqasında çempionluğun bir addımlığında olmalarından danışıb. Noqeyra sona qədər arxayınlaşmayacaqlarını bildirib: “Bu səviyyəni qorumaq çətindir, amma hər oyunda bunun üçün mübarizə aparırıq. Məqsədlərimizə çatmaq üçün doğru yolda olduğumuzu bilirik. Ancaq yenə də hələ bir neçə addım qalıb. Arzuladığımız çempionluğa nail olmaq üçün təvazökarlıq və fədakarlıqla işləməyə davam edəcəyik”.

Qeyd edək ki, hazırda “Sabah” 69 xalla turnir cədvəlinə başçılıq edir. Bakı klubu ən yaxın izləyicisi “Qarabağ”ı 10 xal qabaqlayır.