Bu yay “Sabah“dan ayrılacaq 3-cü futbolçunun kimliyi müəyyənləşib.

Prosport.Az sportinfo.az-a istinadən əbər verir ki, "bayquşlar“ artıq Cesse Sekidikanın xidmətində maraqlı deyil.

Premyer Liqada ilk çempionluğunun 1 addımlığında olan Masazır təmsilçisi nigeriyalı yarımmüdafiəçi ilə 1 ay sonra başa çatacaq müqavilənin müddətini uzatmayacaq.

Çünki Valdas Dambrauskas afrikalı legionerin növbəti mövsümlə bağlı planlarında yer almayıb.

Baş məşqçi Türkiyədə “Əskişəhərspor”, “Qalatasaray”, “Konyaspor”, “Eyüpspor” və “Ümraniyespor”un formasını geyinmiş Sekidikanın artıq rəqabətə tab gətirmədiyi qənaətindədir.

Litvalı mütəxəssis son 3 mövsümü “Sabah“da keçirən 29 yaşlı vingerlə yanaşı, yarımmüdafiəçi Tellur Mütəllimov və slovakiyalı hücumçu Pavol Şafrankonun da gedişinə razılıq verib.