"Kəpəz"in İdarə Heyətinin sabiq sədri İlqar Nadiri futbol sektoruna dönə bilər.

Prosport.Az sportinfo.az-a istinadən xəbər verir ki, 6 ilə yaxın müddətdə Gəncə təmsilçisinə başçılıq etmiş təcrübəli funksionerə 2 klubdan təklif gəlib.

Onlardan biri Premyer Liqanın, digəri isə I Liqanın iştirakçısıdır. Çağırışı qəbul eləsə, rəhbər vəzifə tutacaq.

Hazırda tərəflər arasında danışıqlar gedir. Aparılan görüşmələrin nəticəsi may ayına kimi məlum olmalıdır.

İlqar Nadiri "Kəpəz"dən ötən ilin sentyabrında ayrılıb.