Azərbaycan Premyer Liqasının XXIX turunun "Neftçi" ilə oyunu öncəsi "Qarabağ"da əsas heyətin 5 üzvü cəza sərhədindədir.

Prosport.Az sportinfo.az-a istinadən xəbər verir ki, Kevin Medina, Kadi, Joni Montiel, Kamilo Duran və Marko Yankoviç vərəqə limitindədir.

Onların qarşıdakı turda alacağı daha bir sarı vərəqə mayın 4-də "Turan Tovuz"la növbəti görüşü kənardan izləməsi anlamına gələcək.

Komandada itkilərin çoxluğunu nəzərə alan Qurban Qurbanov legionerlərə vərəqə baxımından diqqətli olmağı tapşırıb.

Ağdamlılar son dövrlər futbolçu azlığından əziyyət çəkir. Bəhlul Mustafazadə zədəsini sağaltmaqla məşğuldursa, Sami Mmaee, Elvin Cəfərquliyev və Abbas Hüseynov intizam qaydalarını pozduqlarına görə əvəzedici komandaya göndərilib.

Aprelin 26-da "“Palms Sports Arena"da keçiriləcək "Neftçi" - "Qarabağ" oyunu saat 19:00-da başlayacaq.