"Sabah" yay transfer dönəmi üçün çalışmalara start verib.

Prosport.Az apasport.az-a istinadən xəbər verir ki, bir neçə futbolçunun klubdakı taleyi müəyyənləşib. 

Artıq Çempionlar Liqası üçün hazırlıqlara başlayan "bayquşlar" bu mövsüm komandanın əsas fiqurlarından olan Timateuş Puxaçı komandada saxlayıb.

Bakı təmsilçisi futbolçunun müqavilə ilə məxsus olduğu "Holşteyn Kil"lə razılığa gəlib. "Sabah" yayda Almaniya klubuna transfer məbləğini ödəyərək Puxaçı rəsmən rənglərinə bağlayacaq.

Premyer Liqanın lideri İqor Noqeyra ilə də razılıq əldə edib. Sözləşməsi mövsümün sonunda başa çatacaq müdafiəçi ilə yeni müqavilə imzalanacaq.

Qeyd edək ki, "Sabah" hazırda 69 xalla turnir cədvəlinə başçılıq edir.