Almaniyanın “Kayzerslautern” klubunun hücumçusu Mahir Emrelinin “FIFA Series” turnirində Azərbaycan millisinə çağırılmamasının detalları bir-bir üzə çıxır.

Prosport.Az Bild-ə istinadən xəbər verir ki, problem 2-ci Bundesliqa klubundan qaynaqlanıb.

Belə ki, “Kayzerslautern” tərəfi diz zədəsindən sonra futbolçunun oynayacaq durumda olmadığını bildirib. Halbuki daha öncə klubla oyunçu arasında bəzi məsələlərdə razılıq əldə olunubmuş. Belə ki, “Kayzerslautern” istənilən halda 28 yaşlı futbolçunu milliyə buraxmalı idi.

Almanların son toplanışa Emrelini buraxmaması hətta milli komandamızın baş məşqçisi Ayxan Abbasovu da qəzəbləndirib.

Qeyd edək ki, Mahir Emreli son olaraq aprelin 4-də Bundesliqa II çərçivəsində “Fortuna” (3:0) ilə oyunda 7 dəqiqə meydanda olub.