Bir neçə gün əvvəl Qurban Qurbanov tərəfindən əvəzedici heyətə göndərilən Elvin Cəfərquliyev “Qarabağ”ın Azərbaycan Kubokunun yarımfinal mərhələsində "Sabah"a 1:2 hesabı ilə uduzduğu cavab matçından sonra ironiyalı paylaşım edib.

Prosport.Az xəbər verir ki, futbolçu oyun bitən sosial şəbəkə hesabında özününün idman zalından fotosunu “zaman və ilan” ikonu ilə paylaşıb. 

Ardınca isə “Qarabağ”ın qapıçısı Şahruddin Məhəmmədəliyev sosial şəbəkə hesabında paylaşım edərək, "İindi kimin kim olduğunu bilirik" deyə, yazıb.

Qeyd edək ki, "Qarabağ" 2 oyunun nəticəsinə əsasən, yekun hesabda "Sabah"a 3:4 uduzaraq kubokda mübarizəni dayandırıb.