“Qarabağ”ın qapıçısı Fabiyan Buntiç Avropa klublarının diqqət mərkəzinə düşüb.

Prosport.Az sportal.az-a istinadən xəbər verir ki, 29 yaşlı qolkiper “Siqma”nın maraq dairəsindədir.

Çexiya yüksək liqasında mübarizə aparan klub Buntiçi heyətinə qatmağı planlaşdırır. 

Lakin çexlərin təklif etdiyi maaş qapıçını razı salmır. Maliyyə şərtlərində razılıq əldə edilsə, qolkiper Çexiyaya yollanacaq. Əks halda, o, "Qarabağ"da qalacaq.

Qeyd edək ki, Almaniya doğumlu Fabiyan Buntiç "İnqolştadt”, “Vizela” klublarının qapısını qoruyub. O, Xorvatiyanın U-18 və U-19 yığmalarının sabiq üzvüdür. Onun "Qarabağ"la 2027-ci ilin yayınadək müqaviləsi var.