"Qarabağ"ın müdafiəçisi Kevin Medinaya daha bir təklif gəlib.

Prosport.Az sportinfo.az-a istinadən xəbər verir ki, bu dəfə kolumbiyalı futbolçuya dəvət göndərən klub ABŞ təmsilçisidir.

MLS-də mübarizə aparan komandanın rəsmiləri 2020-ci ildən Azərbaycanda çıxış edən müdafiəçi ilə əlaqə saxlayıb. Onlar "Tank" ləqəbli mərkəz oyunçusunu 2+1 illik müqavilə şərtləri ilə tanış edib.

Həmçinin Türkiyə, Səudiyyə Ərəbistanı və Avropanın bir ölkəsindən ona dəvət gəlib.

Medinanın "köhlən atlar"la müqaviləsi 2027-ci ilin yayında başa çatacaq. Bura Portuqaliyanın II Liqa təmsilçisi "Naval"dan dəvət olunmuş müdafiəçinin arzusu ABŞ-yə getməkdir. Çünki ona ən yüksək maaşı amerikalılar ödəməyə razıdır.

Qeyd edək ki, bu ilin fevralında Nəriman Axundzadə "Qarabağ"ı ABŞ-nin "Kolambus Kru" klubuna dəyişib.