Azərbaycan Premyer Liqasının XXVIII turunun “Sumqayıt” – “Qəbələ” oyunundan (1:0) sonra qonaq komandanın baş məşqçisi Kaxaber Sxadadze görüşlə bağlı fikirlərini bölüşüb.

Prosport.Az xəbər verir ki, mütəxəssis məğlubiyyəti belə şərh edib:

“Hər şeyi gördünüz. Böyük üstünlüyümüz var idi. Sadəcə qol epizodlarını reallaşdıra bilmədik. Qol vura bilmirsənsə, qalib gələ bilməzsən. 2 dəfə boş qapıya vura bilmədik. Bilmirəm, nə üçün belə oldu. Məncə, sonda soyuqqanlılıq çatmadı. Qolları vurmaq lazım idi. Çalışıb bundan sonra maksimumu etməliyik. Premyer Liqada qalmaq üçün əlimizdən gələni edəcəyik. Azarkeşlərə təşəkkür edirəm. Uğursuz nəticələrə baxmayaraq, bizi dəstəkləyirlər. Məğlubiyyətə görə onlardan üzr istəyirik”.