AFFA təlimatçısı, sabiq qapıçı Vitali Kovalyova yüksək vəzifə verilib.

Prosport.Az-a verilən xəbərə görə, Kovalyov Azərbaycanın Rus İcmasının İdarə Heyətinin sədr müavini seçilib.

Dünən Milli Məclisin deputatı, icmanın sədri Mixail Zabelinin rəhbərliyi altında keçirilən iclasda son 2 ildə görülən fəaliyyətin hesabatı təqdim olunub. Daha sonra seçkilər keçirilib. 

Mixail Zabelin yenidən icmanın İdarə Heyətinin sədri seçilib. Sədrin 1-ci müavini kimi Anastasiya Lavrina və V.Kovalyova səs verilib. Digər sədr müavinləri Lyubov Yakunina və Dmitri Kozin seçilib.

Qeyd edək ki, əvvəl sədr müavini Boris Voronin idi. Vitali Kovalyov isə sadəcə İdarə Heyətinin üzvü idi.