Azərbaycan Premyer Liqasının XXVIII turunda “Qarabağ” və “Sabah” komandaları üz-üzə gəlib.

Prosport.Az xəbər verir ki, Tofiq Bəhramov adına Respublika stadionunda baş tutan qarşılaşma qonaqların 1:0 hesablı qələbəsi ilə yekunlaşıb.

FIFA referisi Elçin Məsiyevin idarə etdiyi görüşdə yeganə qolu 45-ci dəqiqədə Abdulla Xaybullayev vurub. Lakin o, 2-ci hissənin əvvəlində qırmızı vərəqə alaraq komandasını azlıqda qoyub.

Bu nəticədən sonra Valdas Dambrauskasın rəhbərlik etdiyi “bayquşlar” xallarını 69-a çatdıraraq turnir cədvəlində liderliyini möhkəmləndirib. Qurban Qurbanovun komandası isə 56 xalla 2-ci pillədə qərarlaşıb.

Qeyd edək ki, günün ilk matçında “Karvan-Yevlax” “Şamaxı”nı 1:0 hesabı ilə məğlub edib. Tura aprelin 19-da yekun vurulacaq.