Azərbaycan millisinin iyunda keçirəcəyi təlim-məşq toplanışının proqramı müəyyənləşib.

Prosport.Az futbolinfo.az-a istinadən xəbər verir ki, yığmamız ayın ilk 10 günündə Avstriyada hazırlıq keçəcək.

Ayxan Abbasovun yetirmələrinin bu müddətdə 2 yoldaşlıq görüşü keçirməsi planlaşdırılır. Bununla bağlı San Marino və Malta futbol federasiyaları ilə razılıq əldə olunub.

Hətta matçların tarixi də artıq məlumdur. Hər hansı dəyişiklik baş verməsə, millimiz iyunun 5-də San Marino, 9-da isə Malta yığması ilə üz-üzə gələcək.