Azərbaycan I Liqasının XXII turunda “Mingəçevir” doğma meydanda “Difai”ni 2:1 hesabı ilə məğlub edib.

Matçdan sonra ev sahiblərinin baş məşqçisi Ramiz Məmmədov oyunla bağlı fikirlərini Prosport.Az ilə bölüşüb: 

“İlk növbədə futbolçularımı təbrik edirəm. Gözləmədiyimiz anda qapımızda qol gördük. 1-ci hissədə şans bizim tərəfimizdə olmadı. Sonradan oyuna daxil olan futbolçulara xüsusi təşəkkür edirəm, məhz onlar oyunun gedişatını dəyişdilər.

Hakimlə bağlı heç bir qərəzim yoxdur. Bəzən emosiyalar yaşanır, bu da normaldır. Şükürlər olsun ki, ciddi bir problem olmadı. Hakimlər görüşü yaxşı idarə etdi.

Çempionluq üçün nə qədər şansımız varsa, maksimum istifadə etməyə çalışırıq”.

Bahar Rüstəm