"Neftçi"nin U-16 komandasının məşqçisi Elnur İmanquliyev xoşagəlməz hadisə ilə üzləşib.

Prosport.Az xəbər verir ki, bu barədə sportinfo.az-a onun özü bildirib.

Gənc mütəxəssis Bakının Nərimanov rayonunda yerləşən ata evinin tikinti şirkəti tərəfindən qanunsuz söküldüyünü söyləyib. O, müvafiq dövlət qurumlarından kömək istəyib.

Qeyd edib ki, bugünlərdə dünyasını dəyişmiş atasının yas mərasimini keçirməyə hazırlaşarkən, belə bir hadisə baş verib. Gecə saatlarında əraziyə yeridilən ağır texnika ilə 6 sotluq həyət evi dağıdılıb.

İndi isə nə onun, nə də digər ailə üzvlərinin ora daxil olmasına icazə verilir.

Elnur İmanquliyevin sözlərinə görə, yaxınlıqdakı evlərdə yaşayanlar artıq ərazidən uzaqlaşıb. 4 ailənin qeydiyyatda olduğu bu mənzilə görə isə tikinti şirkəti onlara çox aşağı kompensasiya təklif edib. Odur ki, razılaşma əldə etmək mümkün olmayıb.