Polşa milli komandasının baş məşqçisinin köməkçisi Yatsek Maqera 49 yaşında vəfat edib.

Prosport.Az xəbər verir ki, mütəxəssis bu gün səhər saatlarında Vrotslavda qaçış zamanı huşunu itirib. O, təcili xəstəxanaya çatdırılsa da, həkimlərin səylərinə baxmayaraq, həyatını xilas etmək mümkün olmayıb.

Qeyd edək ki, Yatsek Maqera 2025-ci ilin yayından Yan Urbanın rəhbərlik etdiyi məşqçilər heyətində yer alırdı. O, daha əvvəl "Şlensk", "Legiya" klublarını və Polşanın gənclərdən ibarət yığmalarını çalışdırıb.

"Qarabağ"ın qapıçısı Mateuş Koxalski və "Sabah"ın müdafiəçisi Timoteuş Puxaç da Polşa millisinə dəvət alırlar.