Vaxtı ilə ölkəmizdə “Neftçi”nin formasını geyinmiş (2020/2021-ci il mövsümündə) Yaponiya futbolunun ulduzu Keysuke Hondanın növbəti dayanacağı Sinqapur çempionatı olub.

Prosport.Az xəbər verir ki, 39 yaşlı yarımmüdafiəçi rebrendinqdən sonra “Juronq” adlanacaq hazırkı “Albireks Niqata" klubunun uğurları üçün çalışacaq.

Yapon futbolçunun sözlərinə görə, onun bu transferdə əsas məqsədi Ginnesin Rekordlar Kitabına düşməkdir. O, daha çox ölkənin yüksək liqasında qol vuran futbolçu kimi dünya rekordunu yeniləmək niyyətindədir.

Hazırda Hondanın top qovduğu çempionatların siyahısında bu ölkələr yer alır: Yaponiya, Niderland, Rusiya, İtaliya, Meksika, Avstraliya, Braziliya, Azərbaycan, Litva və Butan.

Bundan əlavə, o, qısa müddət ərzində Portuqaliyanın “Portimonense” klubunda da çıxış edib və 5 il Kamboca milli komandasını (bir müddət həm də gənclər yığmasını) çalışdırıb. 

Qeyd edək ki, Keysuke Honda 2021-ci ildə, yarım mövsüm "Neftçi"nin formasını geyinib və elə həmin ilə Azərbaycan Premyer Liqasının qızıl medalını qazanıb. O, 8 oyunda 2 qol vurub.