"Neftçi" bu günlərdə "Benfika" ilə danışıqlara başlayıb.

Prosport.Az xəbər verir ki, bununla bağlı paytaxt təmsilçisindən sportinfo.az-a son dəqiqə məlumatı daxil olub.

İnformasiyaya görə, Bakı klubunun rəhbərliyi Portuqaliyadan yeni idarəçi gətirməyi planlaşdırır. Həmin şəxs "Neftçi"nin futbol akademiyasının direktoru postuna namizəddir. Paytaxt təmsilçisinin xidmətinə maraq göstərdiyi fiqur hazırda "Benfika"da çalışır.

1 ildən artıqdır ki, "Neftçi"də bu vəzifə boşdur. Türkiyəli Cemal Bülbülün 3 illik müqavilə müddətini uzatmayan "ağ-qaralar" o tarixdən bəri akademiyanı 3 nəfərin nəzarətinə verib.

Namiq Adilovla Sənan Qurbanov 2 ilə yaxındır aşağı yaş qruplarını kurasiya edirsə, Elxan Abdullayev yaxınlarda koordinator vəzifəsinə təyinat alıb.