"Araz-Naxçıvan" Azərbaycan Premyer Liqasının XXVI turunda "Liv Bona Dea Arena"da "Sabah"a 2:4 hesabı ilə məğlub olub.

Prosport.Az xəbər verir ki, "qırmızı-ağlar"ın məşqçisi Vadar Nuriyev matçdan sonra keçirilən mətbuat konfransında jurnalistlərin suallarını cavablandırıb.

- Oyuna yaxşı hazırlaşmışdıq, rəqibi yaxşı təhlil etmişdik. Matça da yaxşı başladıq. Adi səhvdən, anlaşılmazlıqdan qol buraxdıq. 2-ci qol da səhvdən sonra oldu. 2-ci qol zamanı qayda pozuntusu var idi, amma baş hakim VAR-a baxmadı. "Sabah" elə komandadır ki, əks-hücum şansı verdinsə, bağışlamayacaq. Ən azından 1 xal götürmək istəyirdik. Alınmadı. "Sabah"ı təbrik edirik. Biz də öz yolumuza davam edəcəyik.

- Hakimin rəqibə simpatiyası hiss olunurdu? Nəticəyə təsir edən səhvləri oldu?

- Əlbəttə. Nuno Rodriqeşi vurmuşdular, baxmadılar. Baş hakim "Sabah"ın 3-cü qolu zamanı VAR-a baxmadı. Əgər qərar verirsənsə, VAR-a baxmalısan. Bu qərarlar da bizim oyunumuza təsir etdi.