"Zirə" Azərbaycan Premyer Liqasının XXVI turunda doğma meydanda "Şamaxı" ilə 1:1 hesablı heç-heçə edib.

Prosport.Az xəbər verir ki, "qartallar"ın məşqçisi Vüqar Məmməd matçdan sonra keçirilən mətbuat konfransında jurnalistlərin suallarını cavablandırıb:

– Komandamız çoxsaylı epizodlarla üstünlük nümayiş etdirirdi. 90 dəqiqə üstünlüyümüz var idi. 4-5 top fərqi ilə qalib gələcəyimiz oyunda heç-heçə etdik. Sonda bərabərlik oldu. Böyük üstünlük bizim tərəfimizdə idi.

– "Neftçi" ilə xal fərqiniz 3-ə düşdü. Bu haqda fikriniz necədir?
– Biz oyundan-oyuna hazırlaşırıq, hər matça maksimum köklənirik. Yuxarı pillələrdə yer tutmaq istəyirik. Futboldur, hər şey ola bilər.

– Penaltini Ruan Renato vurdu. Bəs əsas penalti vuran kapitan Qismət Alıyev deyildi?
– Qismət və Ruan vurur. Son vaxtlarda Ruan vururdu. Yenə də o yaxınlaşdı. Penalti lotereyadır. Əlimizə düşən epizodlarda qol vura bilmədik. Demək olar ki, bizim günümüz deyildi.