Azərbaycan Premyer Liqasında XXVI tura bu gün yekun vurulacaq.

Prosport.Az xəbər verir ki, sonuncu oyun günündə 3 matç keçiriləcək.

İlk olaraq "Turan Tovuz" "İmişli"nin qonağı olacaq. Qarşılaşma Quba Olimpiya İdman Kompleksinin stadionunda, saat 15:00-da start götürəcək. Tovuz təmsilçisi 48 xalla 3-cü, meydan sahibləri 22 xalla 9-cu pillədə qərarlaşıb.

Ardınca "Zirə" "Şamaxı"nı qəbul edəcək. Görüş Zirə İdman Kompleksinin stadionunda, saat 17:15-də başlayacaq. "Qartallar" 42 xalla 4-cü, bölgə klubu 30 xalla 8-cidir.

Tura Bakıda yekun vurulacaq. "Sabah" "Araz-Naxçıvan"la münasibətlərə aydınlıq gətirəcək. Oyun "Liv Bona Dea Arena"da, saat 19:30-da start götürəcək. Çempionatın lideri "Sabah"ın 62 xalı var. Naxçıvan təmsilçisi 39 xalla 6-cıdır.

Xatırladaq ki, daha əvvəl "Qəbələ" "Kəpəz"i (2:0), "Neftçi" "Sumqayıt"ı (3:1), "Qarabağ" "Karvan-Yevlax"ı (7:0) məğlub edib.