Futbol üzrə Azərbaycan Kubokunda yarımfinal mərhələsinin ilk oyunları çərçivəsində daha bir matç keçirilib.

Prosport.Az xəbər verir ki, "Qarabağ" "Sabah"la üz-üzə gəlib. Tofiq Bəhramov adına Respublika stadionunda baş tutan görüş heç-heçə ilə bitib - 2:2.

"Qarabağ"ın heyətində 29 və 60-cı dəqiqələrdə Kadi fərqlənib. "Sabah"dan isə Umarali Raxmonaliyev (23, 65-p.) dubla imza atıb.

Xatırladaq ki, raundun cavab matçları aprelin 21-22-də keçiriləcək.