“Qarabağ”ın və Monteneqro milli komandasının yarımmüdafiəçisi Marko Yankoviç Podqoritsada Sloveniyaya 2:3 hesabı ilə məğlub olduqları oyunu şərh edib. 

Prosport.Az xəbər verir ki, futbolçu ölkəsinin mətbuatına açıqlamasında yığmanın uğursuz nəticəsi haqda bunları deyib:

"3:3 hesabı daha ədalətli olardı. Amma bu, bizim üçün ən vacib şey deyil. Baş məşqçi də, azarkeşlər də məğlubiyyətdən narazı ola bilər və bu, normaldır, amma düşünürəm ki, oyunumuzda bir çox müsbət məqamlar var idi. İrəliləyiş gördük. Düzdür, bəzi səhvlər etdik və 3 qol buraxdıq, amma eyni tempdə davam etsək, nəticələr olacaq. Avropa çempionatında mübarizə aparan və bir çox fürsətlər yaradan komandaya qarşı yaxşı oynadıq. Aydındır ki, təhlükəli ola və qol şansları yarada bilərik".