Kosovo millisinin sabiq üzvü Yetmir Topalli Azərbaycanın 2 klubundən təklif aldığını açıqlayıb.

Bu barədə Prosport.Az-a 28 yaşlı oyunçu özü məlumat verib.

Türkiyənin "Bandırmaspor" klubuna məxsus olan və hazırda “Serikspor” komandasında çıxış edən hücumçu vaxtilə "Sumqayıt" və "Neftçi"nin ona maraq göstərdiyini söyləyib.

O, ölkəmizə transferinin pasport məsələsinə görə baş tutmadığını deyib: "Bu məsələni daha dəqiq menecerim bilir. Məncə, Kosovo pasportu Azərbaycanda keçmədiyi üçün transferim baş tutmadı. Məsələn, Albaniya vəsiqəsi olsaydı, rahatlıqla ölkənizə gələrdim. İndiyədək  Kosovodan olan hansısa futbolçunun ölkənizdə forma geyindiyini görməmişəm".

Qeyd edək ki, Yetmir Topalli Kosovo yığmasının heyətində 3 oyunda meydana çıxıb.