Azərbaycan millisinin futbolçusu Vüsal İsgəndərli Albaniyanın “Partizani” klubundan ayrıla bilər.

Prosport.Az xəbər verir ki, bu barədə futbolinfo.az-a 31 yaşlı yarımmüdafiəçi özü məlumat verib.

İsgəndərlinin sözlərinə görə, ona Polşa, Qazaxıstan və Türkiyə liqalarından təkliflər var. Lakin milli üzvü son qərarını may ayında verəcək.

Bundan əlavə, İsgəndərliyə Azərbaycan Premyer Liqasından da təkliflər olsa da, o, ölkəyə qayıtmaq istəmədiyini bildirib: “Azərbaycandan çox təklif almışam. Amma qayıtmayacağam, karyeramı ölkə xaricində davam etdirəcəyəm. 3 ölkədən təkliflər var. Amma mayda daha rəsmi olacaq. O vaxta qədər gözləmək lazımdır. İnşallah məqsədim ölkə xaricində qalmaq və burada öz ölkəmi təmsil etməkdir.”

Vüsal İsgəndərli yayda “Partizani” ilə bitəcək müqaviləsini yeniləmək ehtimalına da toxunub: “Klubla çox yaxşı münasibətimiz var, həm rəhbərlik, həm də məşqçilərlə. Yeni müqavilə ilə bağlı danışıqlar olub. Sadəcə, mən istəyirəm ki, müqavilə bitdikdən sonra oturub danışmaq daha yaxşı olacaq.”

Qeyd edək ki, Vüsal İsgəndərli ötən yay Albaniyanın “Partizani” klubuna transfer olunub.