"Qarabağ"ın qolkiperi Mateuş Koxalski mövsümün sonunda komandanı tərk edəcək.

Prosport.Az sportal.az-a istinadən xəbər verir ki, polşalı qapıçı ona gələn təklifləri dəyərləndirməkdə qətidir.

Lakin məsələ "Qarabağ"ın istədiyi təzminatı ödəməkdir. Əgər Koxalskini transfer etmək istəyən klublar Azərbaycan çempionunun tələb etdiyi pulu ödəyəcəksə, hazırkı komandası onun keçidinə mane olmayacaq.

Qış fasiləsində “Vidzev” qapıçını transfer etmək istəsə də, Koxalski son anda ən azı mövsümün sonuna qədər Ağdam klubunda qalmağa üstünlük vermişdi.

Xatırladaq ki, Mateuş Koxalski 2024-cü il avqust ayından "Qarabağ"ın qapısını qoruyur. Onun müqaviləsinin müddəti 2027-ci il iyunun 30-na qədərdir.