Rusiya I Liqasında XVI tura yekun vurulub.

Prosport.Az xəbər verir ki, son oyun günündə azərbaycanlı futbolçular bir-birinə rəqib olublar.

Sadiq Baqiyevin formasını geyindiyi "Torpedo" (Moskva) doğma meydanda Kamran Əliyevin çıxış etdiyi SKA-nı (Xabarovsk) qəbul edib. Qarşılaşma ev sahiblərinin 4:1 hesablı qələbəsi ilə başa çatıb.

Azərbaycanlı oyunçular da bu matçda iştirak ediblər. Hər iki futbolçu qarşılaşmaya start heyətində çıxıb və 90 dəqiqə meydanda qalıb. Əliyev 58-ci dəqiqədə komandasının yeganə qolunu vurub.

26 turdan sonra həm "Torpedo"nun, həm də SKA-nın 33 xalı var. Top fərqi daha yaxşı olan Moskva təmsilçisi 11-ci yerdədir.