Bəhlul Mustafazadə yayda “Qarabağ”dan ayrıla bilər.

Prosport.Az sportinfo.az-a istinadən xəbər verir ki, onun gedişi növbəti dəfə gündəmə gəlib.

Martın 1-də əməliyyat olunan müdafiəçiyə xarici klubların marağı azalıb. "Qəbələ“nin yetirməsinə son olaraq Avropa və Asiyadan bir neçə dəvət gəlib.

Bəhlul bu ilin əvvəlində “Şençjen Penq Siti”dən rəsmi təklif alıb. Çin tərəfi həmçinin “Qarabağ”a Mustafazadənin transferi üçün təzminat ödəməyə hazır olduğunu elan edib.

Sadəcə, arxa xətt oyunçusu Çempionlar Liqasının gedişində “köhlən atlar“ı tək buraxmaq istəmədiyi üçün “Şençjen Penq Siti”nin sərfəli çağırışını geri çevirməli olub.

İmişlidə dünyaya göz açmış müdafiəçinin “Qarabağ”la müqaviləsi 30 iyun 2027-ci ilədək qüvvədədir.

Çempionlar Liqasının pley-off mərhələsində “Nyukasl”la keçirilən oyun zamanı zədələnən Mustafazadə sol budunun adduktor əzələlərində və qasıq nahiyəsində yaranmış problem səbəbindən cərrahi əməliyyat keçirib.

Onun yaxın günlərdə həkimlərin nəzarəti altında bərpa prosesinə başlaması planlaşdırılır.