Bu gün Sumqayıda Mehdi Hüseynzadə adına stadionda Sent Lüsiya yığması ilə qarşılaşan futbol üzrə Azərbaycan millisinin paltardəyişmə otağını su basıb. 

Prosport.Az xəbər verir ki, bununla bağlı sosial şəbəkədə görüntülər yayılıb. 

Videodan da aydın olur ki, səhər saatlarından başlayan intensiv yağışlar stadionun futbolçular üçün ayrılmış paltardəyişmə otağını bərbad hala salıb. Oyunçular formalarını götürmək üçün otaqda yaranan gölməçəni keçmək məcburiyyətində qalıblar. 

Qeyd edək ki, matç millimizin 6:1 hesablı qələbəsi ilə başa çatıb.