Portuqaliyanın U-21 millisinin futbolçusu Daniel Banjaki Bakı səfəri öncəsi klubu “Benfika” ilə ilk peşəkar müqaviləsini imzalayıb.

Prosport.Az yerli mətbuata istinadən xəbər verir ki, 18 yaşlı müdafiəçi İngiltərə, İspaniya, Almaniya və İtaliyadan təkliflər almasına baxmayaraq, ölkəsində qalmağı üstün tutub.

Banjakinin “Benfika” ilə sözləşməsi 2031-ci ilə qədər nəzərdə tutulub və onun sərbəstqalma məbləği 80 milyon avro göstərilib. Futbolçu millimizlə qarşılaşmada meydana çıxsa, U-21-də debüt edəcək.

Qeyd edək ki, sabah 8-ci km qəsəbə stadionunda keçiriləcək Azərbaycan – Portuqaliya oyunu saat 15:00-da başlayacaq.