Azərbaycan Premyer Liqasının XXV turunun ən böyük sürprizinə imza atan "Kəpəz"in futbolçularına ödədiyi mükafatın məbləği məlum olub.

Prosport.Az sportinfo.az-a istinadən xəbər verir ki, Gəncə təmsilçisinin rəhbərliyi "Qarabağ"la matçın iştirakçılarına 3500 manat ödəniş edib. Bu məbləğ əsas heyətdə meydana çıxanlara aiddir.

"Sarı-göylər" Yevlaxda keçirilən qarşılaşmada 1:0 hesablı qələbə qazanıb. Yeganə qolu ilk hissənin sonunda Fərid Nəbiyev vurub.

"Kəpəz" bu qalibiyyət sayəsində Premyer Liqada qalmaq imkanlarını bir xeyli yaxşılaşdırıb.