Oman millisində baş məşqçi dəyişikliyi baş verib.

Prosport.Az xəbər verir ki, Oman Futbol Federasiyası portuqaliyalı Karluş Keyruşla yolların qarşılıqlı razılıq əsasında ayrıldığını açıqlayıb.

Bundan dərhal sonra komandanın yeni baş məşqçisinin mərakeşli Tarik Sektiui olduğu elan edilib. Bildirilir ki, Keyruş regional qeyri-sabitlik səbəbindən istefa verib.

2025-ci ilin yayından komandaya rəhbərlik edən məşhur mütəxəssis Oman millisi ilə 11 oyunda 3 qələbə, 5 heç-heçə və 3 məğlubiyyət əldə edib. Onun dövründə komanda həm Ərəb Kubokunda qrupda qalıb, həm də DÇ-2026-ya vəsiqə qazana bilməyib.

Yeni baş məşqçi Tarik Sektiui isə Mərakeş yığması ilə Ərəb Kubokunu qazanıb və Paris-2024 Yay Olimpiya Oyunlarında bürünc medal əldə edib.

Qeyd edək ki, Oman millisi hazırda 2027-ci il Asiya Kubokuna hazırlaşır.

Xatırladaq ki, Yaxın Şərqdəki vəziyyətə görə Oman yığması ölkəmizdə keçiriləcək "FIFA Series-2026" turnirinə gələ bilməyib.