Azərbaycanda keçiriləcək “FIFA Series - 2026” beynəlxalq turnirinin təqvimində və formatında dəyişiklik edilib.

Prosport.Az xəbər verir ki, dəyişikliyə səbəb Oman milli komandasının Yaxın Şərqdə davam edən hərbi gərginliklə əlaqədar ölkəmizə səfər edə bilməməsidir.

FIFA ilə razılaşdırılmış formata əsasən, turnir 2 oyundan ibarət olacaq. Azərbaycan milli komandası martın 27-də Sent-Lüsiya, 30-da isə Syerra Leone yığması ilə qarşılaşacaq. Hər 2 oyun Mehdi Hüseynzadə adına Sumqayıt şəhər stadionunda keçiriləcək və saat 19:00-da başlanacaq.

Qeyd edək ki, Omar millisi martın 27-də Mərdəkandakı "Dalğa Arena" Syerra Leone millisi ilə yarımfinal oyununa çıxmalı idi.