Yunanıstan millisinin keçmiş futbolçusu Teofanis Gekas Azərbaycanda işləmək istəyir.

Bu barədə Prosport.Az-a etibarlı mənbədən məlumat verilib.

Hazırda işsiz olan 45 yaşlı mütəxəssis Premyer Liqa klublarının birində çalışmaqda maraqlıdır.

Gekas karyerası ərzində ölkəsində "Panatinaikos", Almaniyada "Bayer" (Leverkuzen), "Herta" (Berlin), "Ayntraxt", İspaniyada "Levante", həmçinin Türkiyədə "Konyaspor" , "Əskişəhərspor", "Akhisar Bələdiyyəspor" və "Sivasspor" kimi komandalarda çıxış edib.

O, Yunanıstan millisinin heyətində 78 matçda 24 qol vurub. Komandası ilə birgə 2004-cü ildə Avropa çempionu olub.