Azərbaycanın I Liqa təmsilçisi "Mingəçevir"də qapıçısı və kapitanı Orxan Sadıqlı ilə vidalaşıb.

Prosport.Az xəbər verir ki, qolkiperlə müqaviləyə birtərəfli şəkildə xitam verilib.

Ayrılığın oyunçunun ötən tur etdiyi kobud səhvlə bağlı olduğu ehtimal edilir. Belə ki, I Liqanın XVIII turunda “Mingəçevir” öz meydanında “Səbail”ə 0:1 hesabı ilə məğlub olub. Qurban Səfərovun 45-ci dəqiqədə fərqləndiyi epizodda meydan sahiblərinin qapıçısı kobud səhvlə yadda qalıb.

Əgər “Mingəçevir” “Səbail”lə görüşdə qalib gəlsəydi, xallarının sayını 35-ə çatdırıb “dənizçilər”i 5 xal qabaqlayacaq və 2-ci yerə iddialarını artırmış olacaqdı.

Qeyd edək ki, Orxan Sadıqlı 2025-ci ildən "Mingəçevir"də çıxış edirdi.