20 yaşadək futbol millimizin (U-20) yeni baş məşqçisi Ruy Jorjun qapıçılar üzrə köməkçisi də əcnəbi olacaq.

Bu barədə Prosport.Az-a AFFA-nın icraçı vitse-prezidenti Sərxan Hacıyev məlumat verib.

Onun sözlərinə görə, 10 gün sonra 53 yaşını tamamlayacaq portuqaliyalı mütəxəssisə daha bir əcnəbi köməkçi təyin ediləcək. Bu, ya Portuqaliyadan, ya da başqa ölkədən olacaq.

Prosport.Az-ın əldə etdiyi məlumata görə, bu şəxsin Portuqaliya və Mozambik vətəndaşlığı olan 53 yaşlı Fernandu Bresard (Fernando Brassard) olacağı gözlənilir. O 1995-1997-ci illərdə "Benfika"nın şərəfini qoruyub.

Həmçinin, 1 azərbaycanlı məşqçi də köməkçi təyin ediləcək.

Qeyd edək ki, Ruy Jorja artıq onunla Portuqaliya U-21 millisində çalışmış Romeu Almeyda və Aleşandr Silvanın kömək edəcəyi artıq dəqiqləşib.