"Neftçi" rəhbərliyi ilə Murad Məmmədov arasında uzun müddətdir davam edən danışıqlar artıq başa çatıb.

Prosport.Az sportinfo.az-a istinadən xəbər verir ki, tərəflər bu yay başa çatacaq müqavilənin müddətini uzatmaqla bağlı ortaq məxrəcə gələ bilməyib.

Klubun irəli sürdüyü şərtlər yarımmüdafiəçini razı salmayıb. 2024-cü ildən əsas komandaya cəlb olunmuş 20 yaşlı gəncə maaş artımıyla bərabər 3+1 illik kontrakt təklif olunub.

Di gəl, Məmmədov yetirməsi olduğu paytaxt təmsilçisindən 15 min dollar civarında əməkhaqqı tələb edib və maliyyə şərtlərində güzəştə getməyib.

Çünki ona ölkə xaricindən bir neçə dəvət gəlib. "Pafos" U-21 yığmamızın üzvüylə anlaşmağa çox yaxındır. Kipr klubu Məmmədovun maddi istəklərini qəbul edib.